ৰাজ্যজুৰি পালন সুধাকণ্ঠ ড৹ ভূপেন হাজৰিকাৰ দশম মৃত্যু বাৰ্ষিকী

ৰাজ্যজুৰি বিভিন্ন অনুষ্ঠান প্ৰতিষ্ঠানে সুধাকণ্ঠ ভূপেন হাজৰিকাৰ মৃত্যু বাৰ্ষিকী উপলক্ষে অনুষ্ঠিত কৰিলে বিভিন্ন কাৰ্যসূচী । অসম চৰকাৰৰ সাংস্কৃতিক সঞ্চাকালয়ৰ উদ্যোগত জালুকবাৰীস্থিত সুধাকণ্ঠৰ সমাধিক্ষেত্ৰত কেন্দ্ৰীয়ভাৱে আয়োজন কৰা হয় শ্ৰদ্ধাঞ্জলি অনুষ্ঠানৰ । তদুপৰি আছুৰ উদ্যোগত দীঘলীপুখুৰী পাৰত 1000 গছি বন্তিৰে সুধাকণ্ঠলৈ জনোৱা হয় শ্ৰদ্ধাঞ্জলি ৷ ইয়াৰোপৰি ৰাজ্যৰ বিভিন্ন স্থানত বিশ্ব বৰেণ্য শিল্পীগৰাকীক সুঁৱৰিলে ৰাইজে ৷