বন্ধুক চৰম বিশ্বাসঘাটকতা কৰি ৰঙা ঘৰৰ আলহী তিনি যুৱক

গোলাঘাটৰ যোগীবাৰী বিলত সংঘটিত হৈছে ভয়ংকৰ ঘটনা ৷ বন্ধুক চৰম বিশ্বাসঘাটকতা কৰি ৰঙা ঘৰৰ আলহী তিনি যুৱক ৷ গোলাঘাটৰ যোগীবাৰী বিলত সংঘটিত হৈছে ভয়ংকৰ ঘটনা ৷ তিনি বন্ধুৱে মিলি বিশ্বাসঘাটকতা কৰিলে এজন বন্ধুৰ ৷ সহজ ধনৰ আশাত বন্ধুক বিশ্বাসঘাটকতা কৰে তিনি বন্ধু ক্ৰমে প্ৰত্যুষ বৰা,প্ৰশান্ত গগৈ,ধ্ৰুৱজ্যোতি গগৈ ৷ ঠিক চিনেমাৰ দৰেই তিনি বন্ধুৱে মিলি সু-পৰিকল্পিত ভাৱে চুৰি কৰিছিল বেদান্ত শইকীয়াৰ Yamha-Fz বাইক খন ৷ ঘটনা অনুসৰি চাৰি বন্ধু যোগীবিললৈ গৈছিল অৱসৰ বিনোদনৰ বাবে ৷ তাৰে মাজৰে প্ৰত্যুষ বৰাই বেদান্ত শইকীয়াৰ পৰা মটৰ চাইকেলখনৰ ছাবি লৈ অলপ সময়ৰ বাবে গৈছিল গোলাঘাট নগৰলৈ ৷ তাৰ পাছতে প্ৰত্যুষে মটৰচাইকেল খনৰ নকল ছাবি তৈয়াৰ কৰি পুনৰ উভতি যায় যোগীবাৰী বিললৈ । প্ৰকৃত ছাবিটো পুনৰ বেদান্ত শইকীয়াৰ হাতত অৰ্পণ কৰে যদিও পূৰ্বৰ পৰিকল্পনা মতে নকল ছাবিটো প্ৰশান্ত গগৈৰ হাতত দিয়ে ৷ ঘটনাৰ মাষ্টাৰ মাইণ্ড আছিল প্ৰশান্ত গগৈ ৷ ছেগ বুজি মটৰ চাইকেলখন সেই স্থানৰ পৰা চুৰি কৰি উধাও হয় প্ৰশান্ত ৷ বাইক চুৰিৰ পিছত সু-নিপুন অভিনয়েৰে আন দুজন চোৰ বন্ধুৱে বেদান্ত শইকীয়াৰ লগত গৈ গোলাঘাট সদৰ আৰক্ষী থানাত এক গোচৰ দিয়ে । পাছত আৰক্ষীৰ তদন্তত পোহৰলৈ আহে সমগ্ৰ ঘটনা ৷ শুকুৰবাৰে নিশা গোলাঘাট বকলাই মাউত গাঁৱৰ প্ৰশান্ত গগৈৰ ঘৰৰ পৰা মটৰচাইকেলৰ সৈতে তিনি চোৰক আৰক্ষীয়ে গ্ৰেপ্তাৰ কৰে আৰক্ষীয়ে ৷ বৰ্তমান ৰঙা ঘৰৰ আলহী তিনিওজন যুৱক ৷