বৰপথাৰত ড্ৰাগছসহ আটক তিনি যুৱক

ধনশিৰি মহকুমাৰ সমীপৱৰ্তী কাৰ্বি আংলং জিলাৰ বৰপথাৰ আৰক্ষীয়ে দেওবাৰে সন্ধিয়া ড্ৰাগছসহ তিনিজন যুৱকক আটক কৰে ৷ পুৰণি বৰপথাৰত থকা এটা ইটাভাটাৰ কাষত ড্ৰাগছসহ ধৰা পৰে যুৱক তিনিজন । দীৰ্ঘদিন ধৰি চলি থকা উক্ত ঘাটিৰ খবৰ পাই স্থানীয় গাঁওৰক্ষী বাহিনীয়ে খাপ পিটি তিনিওকে ধৰি আৰক্ষীক গতাই দিয়ে । যুৱককেইজনৰ পৰা আৰক্ষীয়ে‌ প্ৰায় ১.১ গ্ৰাম ড্ৰাগছ জব্দ কৰে । ধৃত দুজন গোলাঘাট জিলাৰ ধনশিৰি মহকুমাৰ বৰপথাৰৰ দীঘলীপথাৰ গাঁৱৰ আমজাদ আলী আৰু শ্বাহজাহান শেখ হোৱাৰ বিপৰীতে আনজন যুৱক কাৰ্বি আংলঙৰ শান্তিপুৰৰ অৰ্জুন দে বুলি বুলি জানিব পৰা হৈছে । আৰক্ষীয়ে ঘটনাস্থলীৰ পৰা এখন মটৰ চাইকেল জব্দ কৰে ।