শান্তিপূৰ্ণভাৱে অন্ত পৰিল কামৰূপ জিলাৰ ভোটগ্ৰহণ প্ৰক্ৰিয়া

ৰাজ্যত অন্ত পৰিল বিধানসভা নিৰ্বাচনৰ ভোটগ্ৰহণ প্ৰক্ৰিয়া ৷ ভোটগ্ৰহণৰ অন্তত কামৰূপ নিৰ্বাচনী জিলাৰ বকো, ছয়গাঁও,পলাশবাৰী আৰু হাজো সমষ্টিৰ ভোটকেন্দ্ৰ সমূহৰ পৰা উপায়ুক্ত কাৰ্যালয়লৈ ঢাপলি মেলে বিষয়াসকল ৷ শেহতীয়া তথ্য অনুসৰি জিলাখনত ভোটদানৰ হাৰ বকোত 80%, ছয়গাঁৱত 82%, হাজোত 81.30% আৰু পলাশবাৰী সমষ্টিত 76% ৷ জিলাখনত শান্তিপূৰ্ণভাৱে ভোটদান সমাপ্ত হোৱাৰ কথা উল্লেখ কৰি সম্পূৰ্ণ নিৰাপত্তা বেষ্টনীৰ মাজৰ ষ্ট্ৰং ৰূমত ইভিএম সমূহ ৰখাৰ কথা উল্লেখ কৰে উপায়ুক্ত কৈলাশ কাৰ্তিকে ৷