দ্বিতীয় দিন অতিক্ৰম আছুৰ অধিৱেশনৰ

সদৌ অসম ছাত্ৰ সন্থাৰ সপ্তদশ দুলীয়াজন অধিৱেশনৰ বৃহস্পতিবাৰে দ্বিতীয় দিন ৷ অধিৱেশনৰ দ্বিতীয় দিনৰ কাৰ্যসূচী অনুসৰি পতাকা উত্তোলন আৰু শ্বহীদ তৰ্পণ অনুষ্ঠিত হয় ৷ পতাকা উত্তোলন কাৰ্যসূচীত অংশগ্ৰহণ কৰে সদৌ অসম ছাত্ৰ সন্থাৰ সভাপতি দীপাংক কুমাৰ নাথে ৷ শ্বহীদ তৰ্পণ কাৰ্যসূচী সম্পন্ন কৰে আছুৰ সম্পাদক লুৰিণজ্যোতি গগৈয়ে ৷ দুলীয়াজানৰ ছলাকটকী পথাৰত অনুষ্ঠিত এই অধিৱেশনৰ দ্বিতীয় দিনত উপস্থিত থকা দেখা যায় আছুৰ উপদেষ্টা ড৹ সমুজ্জল কুমাৰ ভট্টাচাৰ্য ৷ তদুপৰি দিনৰ ভাগত বাহিৰ কৰা হয় এক বাৰে ৰহণীয়া শোভাযাত্ৰা ৷ য’ত অংশগ্ৰহণ কৰে বিশিষ্ট অভিনেতা অৰুণ হাজৰিকা, সংগীত শিল্পী দীপলীনা ডেকাৰ লগতে ৰাজ্যৰ ভিন্ন প্ৰান্তৰ পৰা অহা আছুকৰ্মীসকলে ৷