তেজপুৰত দেৱী দুৰ্গাক আদৰাৰ প্ৰস্তুতি

দুৰ্গা পূজালৈ মাজত মাত্ৰ কেইটামান দিন বাকী । দেৱী দুৰ্গাক আদৰিবলৈ সাজু হৈছে ৰাজ্যবাসী । প্ৰতিটো পূজা কমিটী এতিয়া অত্যন্ত ব্যস্ত হৈ পৰিছে । ইয়াৰ মাজতে কিছু পৃথক পদক্ষেপ লৈছে তেজপুৰ বাৰোৱাৰী মন্দিৰ পূজা কমিটীয়ে । এই মন্দিৰত এইবাৰ মহিলাসকলে পূজা পৰিচালনা কৰিব । দেৱীক আদৰাৰ পৰা বিসৰ্জনলৈ সকলোতে মহিলাসকলে আগভাগ ল'ব । ইতিমধ্যে মহিলাসকলে পূজাৰ প্ৰস্তুতি আৰম্ভ কৰিছে । দেৱীৰ আৰাধনা গীতেৰে মুখৰিত হৈ পৰিছে তেজপুৰ বাৰোৱাৰী মন্দিৰ ।