উদিয়ানাত ড্ৰাগছ ব্যৱসায়ী জাহাংগীৰ আলীক আটক

ৰঙিয়া(Rangia)ৰ উদিয়ানাত আৰক্ষীৰ জালত পৰিল এটা ড্ৰাগছ(Drugs)ব্যৱসায়ী । উদিয়ানাত অভিযান চলাই আৰক্ষীয়ে জব্দ কৰে ৯৪.৮ গ্ৰাম ব্ৰাউন চুগাৰ(Brown Sugar)। পূৰ্বতে আৰক্ষীয়ে আটক কৰা ড্ৰাগছ ব‍্যৱসায়ী আইনুল আলীৰ স্বীকাৰোক্তিৰ ভিত্তিত জাহাংগীৰ আলী(Jahangir Ali) নামৰ এজন যুৱকৰ ঘৰত অভিযান চলোৱা হয় । এই অভিযান কালত আৰক্ষীয়ে নগদ ৫৫ হাজাৰ ৫০০ টকা জব্দ কৰে । অবৈধভাৱে নিচাযুক্ত দ্ৰব্যৰ বিক্ৰী কৰাৰ অপৰাধত ৰঙিয়া আৰক্ষীয়ে জাহাংগীৰ আলীকো গ্ৰেপ্তাৰ কৰে । আৰক্ষীয়ে জাহাংগীৰৰ ঘৰৰ পৰা ব্ৰাউন চুগাৰ ভৰ্তি ৭৪ টা কন্টেইনাৰ আৰু ১২টা খালী কন্টেইনাৰ জব্দ কৰে । সম্প্ৰতি আৰক্ষীয়ে জাহাংগীৰ আলীৰ জেৰা অব্যাহত ৰাখিছে । উল্লেখ্য যে, ইয়াৰ পূৰ্বে ৰঙিয়া আৰক্ষীয়ে বালাগাঁৱত অভিযান চলাই ড্ৰাগছ ব্যৱসায়ী আইনুল আলীক আটক কৰিছিল । ধৃত যুৱকজনৰ পৰা আৰক্ষীয়ে ড্ৰাগছ ভৰ্তি ১২টা কন্টেইনাৰ জব্দ কৰিছিল । কেৱল ৰঙিয়াতে নহয়, বৰ্তমান ৰাজ্যৰ ভিন্ন প্ৰান্তত আৰক্ষীয়ে ড্ৰাগছ বিৰোধী অভিযান অব্যাহত ৰাখিছে ।