বোকাখাতত শেৱালিপাৰ যুৱ সংঘৰ উদ্যোগত 'অক্সিজেন সেৱা' মুকলি

বোকাখাতৰ অগ্ৰণী সংগঠন শেৱালিপাৰ যুৱ সংঘই আর্তজনৰ তাৎক্ষণিক সুবিধাৰ বাবে বৃহস্পতিবাৰে 'অক্সিজেন সেৱা' মুকলি কৰে । কৰ'ণা মহামাৰীত আক্ৰান্ত ৰোগীকে ধৰি আকস্মিক দুৰ্ঘটনাত পতিত লোকৰ বাবে তাৎক্ষণিকভাৱে প্ৰয়োজনীয় হোৱা অক্সিজেন যোগান ধৰিব পৰাকৈ এই সেৱা মুকলি কৰা হৈছে ৷ অসম ৰাজ্যিক সাংবাদিক সন্থাৰ সভাপতি জিতু শৰ্মা ৰাজখোৱাই বৃহস্পতিবাৰে আনুষ্ঠানিকভাৱে মুকলি কৰে এই সেৱা । অতি কম খৰছৰ বিনিময়ত আর্তজনৰ বাবে অক্সিজেন চিলিণ্ডাৰ ব্যৱহাৰ কৰাৰ সুবিধা লাভ কৰিব পাৰিব বুলি ৰাইজক মুকলিভাবে জনাইছে শেৱালিপাৰ যুৱ সংঘই ৷ আনহাতে একেবাৰে দৰিদ্ৰ লোকসকলে বিনামূলীয়াভাবেও এই সেৱাৰ সুবিধা লাভ কৰিব পাৰিব বুলি জনায় সংঘৰ সদস্যই ।