ডিফুত আৰক্ষীৰ জালত নিচাযুক্ত কেপচুলসহ সৰবৰাহকাৰী

ডিফু-লামডিং পথত বুধবাৰে বিয়লি আৰক্ষীয়ে অভিযান চলাই বুজন পৰিমাণৰ নিচাযুক্ত কেপচুল(Drugs seized in Diphu)সহ এটা সৰবৰাহকাৰী(Drug smuggler arrested)ক জালত পেলাবলৈ সক্ষম হয় । ডিফু থানাৰ ভাৰপ্ৰাপ্ত বিষয়া জে এছ খবুঙৰ নেতৃত্বত পঞ্চম আৰক্ষী বেটেলিয়নৰ এটা দলে ডিফু-লামডিং পথৰ আঠ কিলো ডক তেৰাং গাঁৱত অভিযান চলায় । অভিযানৰ সময়তে আৰক্ষীৰ দলটোৱে এখন নম্বৰ প্লেটবিহীন হোণ্ডা ডিঅʼ স্কুটীত আহি থকা এজন যুৱকক তালাচী চলাই দহটা পেকেটত ১,৪০০ টা ছিমপ্লেক্স প্লাছ নিচাযুক্ত কেপছুল জব্দ কৰে । ধৃত সৰবৰাহকাৰীটো ডিফু ৰংকিমিৰ ইমানুৱেল হাঞ্চে (৩৮) বুলি চিনাক্ত কৰা হৈছে ।