পৰ্যটকৰ বাহনলৈ চোঁচা এটা প্ৰকাণ্ড গঁড়ৰ

বাক্সা: মানাহ ৰাষ্ট্ৰীয় উদ্যানত শিহৰণকাৰী ঘটনা ৷ মানাহ পৰিভ্ৰমণ কৰি থকাৰ সময়তে এটা মহিলা পৰ্যটকৰ দলৰ বাহনলৈ চোঁচা লয় এটা প্ৰকাণ্ড গঁড়ে ৷ বাহনখনত থকা এগৰাকী পৰ্যটকৰ কেমেৰাত বন্দী হয় গঁড়ে চোঁচা লোৱাৰ দৃশ্য । মানাহৰ বাঁহবাৰী ৰেঞ্জত সংঘটিত হৈছে এই শিহৰণকাৰী ঘটনা । পৰ্যটকে বন্দী কৰা এই ঘটনাৰ ভিডিঅ’ এতিয়া ছ’চিয়েল মিডিয়াত ভাইৰেল হৈ পৰিছে ।

জীপ ছাফাৰী চালকৰ তৎপৰতাত কথমপি প্ৰাণৰক্ষা পৰে মহিলা পৰ্যটকৰ দলটোৰ । উল্লেখ্য যে, মানাহত প্ৰায়েই সংঘটিত হৈ আহিছে এনে ঘটনা । তৎসত্ত্বেও কিন্তু মানাহত পৰ্যটকৰ সংখ্যা ক্ৰমান্বয়ে বৃদ্ধি পাই আহিছে ৷ যিহেতু মানাহত জীৱ-জন্তুৰ সংখ্যা বৃদ্ধি পাই আহিছে সেয়েহে কোনো পৰ্যটককে ব্যক্তিগত বাহনত প্ৰৱেশ কৰিবলৈ অনুমতি দিয়া হোৱা নাই ৷

লগতে পঢ়ক: চোঁচা মাৰি আহিল গঁড়ে: খৰি আনিবলৈ যোৱাই কাল হ'ল লক্ষীৰ