হায়দৰাবাদ: এণ্ড্ৰইড ডিভাইচ ব্যৱহাৰকাৰীসকলে বহু বছৰ ধৰি এপল টিভি এপ ব্যৱহাৰ কৰাৰ সপোন দেখি আহিছে । অৱশেষত তেওঁলোকৰ সপোন বাস্তৱ হ’ল ৷ কাৰণ শেহতীয়াকৈ এপলে এণ্ড্ৰইড ডিভাইচৰ বাবেও এপল টিভি এপ মুকলি কৰিছে । অৰ্থাৎ এতিয়া এণ্ড্ৰইড ডিভাইচ ব্যৱহাৰকাৰীয়ে এপল টিভি এপে আগবঢ়োৱা সকলো বস্তুৰ সুবিধা ল’ব পাৰিব, য’ত আছে এপল টিভি প্লাছৰ কন্টেন্ট, মেজৰ লীগ ছকাৰ (এমএলএছ) ছিজন পাছ ।
এপল টিভি এপ এণ্ড্ৰইড অপাৰেটিং চিষ্টেমত চলি থকা সকলো ডিভাইচ অৰ্থাৎ স্মাৰ্টফোন, টেবলেট আদিত উপলব্ধ হ’ব । ব্যৱহাৰকাৰীয়ে যিকোনো এণ্ড্ৰইড ডিভাইচত এপল টিভি এপৰ বিষয়বস্তু চাব পাৰিব । এণ্ড্ৰইড ব্যৱহাৰকাৰীয়ে এপল টিভিত Continue Watching ৰ বৈশিষ্ট্য লাভ কৰিব, যাৰ সহায়ত ব্যৱহাৰকাৰীয়ে এটা খণ্ড অথবা এখন চিৰিজ য’ত এৰিছিল তাৰ পৰাই পৰৱৰ্তী কন্টেন্ট পুনৰ চাব পাৰিব ।
এণ্ড্ৰইড ডিভাইচত এপল টিভি এপ
এণ্ড্ৰইড ব্যৱহাৰকাৰীয়ে এপল টিভি এপত Watchlist নামৰ এটা বৈশিষ্ট্যও লাভ কৰিব, যাৰ জৰিয়তে ব্যৱহাৰকাৰীয়ে ভৱিষ্যতে চাব বিচৰা চিনেমা আৰু শ্ব’সমূহ ট্ৰেক কৰিব পাৰিব । ব্যৱহাৰকাৰীয়ে ৱাই-ফাই বা চেলুলাৰ নেটৱৰ্কৰ জৰিয়তে কন্টেন্ট ষ্ট্ৰীম কৰিব পাৰিব । ইয়াৰ উপৰিও ব্যৱহাৰকাৰীয়ে অফলাইন ডাউনলোডৰ সুবিধাও ল’ব পাৰিব ।
এতিয়া এণ্ড্ৰইড ফোন বা টেবলেট ব্যৱহাৰ কৰা ব্যৱহাৰকাৰীয়ে তেওঁলোকৰ গুগল প্লে একাউণ্টৰ পৰা পোনপটীয়াকৈ এপল টিভি+ আৰু এমএলএছ ছিজন পাছ চাবস্ক্ৰাইব কৰিব পাৰিব । কেৱল এয়াই নহয়, এপলে এণ্ড্ৰইড ব্যৱহাৰকাৰীৰ বাবে এপল টিভি প্লাছৰ 7 দিনৰ বিনামূলীয়া ট্ৰাইলৰ সুবিধাও আগবঢ়াইছে ।
এণ্ড্ৰইডত এপল টিভি এপ কেনেকৈ ডাউনলোড কৰিব ?
- ইয়াৰ বাবে আপুনি Android ত Apple TV App ডাউনলোড কৰিব লাগিব ।
- আপোনাৰ এণ্ড্ৰইড ফোন বা টেবলেটত গুগল প্লে ষ্ট’ৰ খোলক ।
- এতিয়া এপল টিভি ছাৰ্জ কৰক ।
- এতিয়া Install option ত ক্লিক কৰি এপটো ডাউনলোড কৰক ।
এই প্ৰক্ৰিয়া অনুসৰণ কৰাৰ ঠিক পিছতেই আপুনি এণ্ড্ৰইড ফোনত এপল টিভি এপটো ডাউনলোড কৰি ইয়াৰ সকলো বিষয়বস্তু চাব পাৰিব । 2019 চনৰ 1 নৱেম্বৰত মুকলি কৰা হৈছিল এপল টিভি প্লাছ । এইটো হৈছে বিশ্বৰ প্ৰথমটো অৰিজিনেল ষ্ট্ৰীমিং সেৱা প্ৰদান কৰা এপ । তেতিয়াৰ পৰাই 500 ৰো অধিক বঁটা লাভ কৰাৰ লগতে ইয়াৰ মূল অনুষ্ঠানসমূহে হাজাৰ হাজাৰবাৰ মনোনয়ন লাভ কৰিছে ।
লগতে পঢ়ক
