'কা' বাতিলৰ দাবীত নলবাৰী আছুৰ গণ হুংকাৰ

নাগিৰিকত্ব সংশোধনী আইন 2019 চমুকৈ 'কা' বাতিলৰ দাবীত আছুৰ আহ্বান মৰ্মে শনিবাৰে নলবাৰী জিলা ছাত্ৰ সন্থাৰ উদ্যোগত নলবাৰী শ্বহীদ ভৱনত গণ হুংকাৰ কাৰ্যসূচী ৰূপায়ন কৰা হয় । শংখ, কাঁহ, ডবা, মৃদংগ, খোল, তাল আদিৰ বজাই দিল্লী দিছপুৰক সকিয়াই দিয়ে আছু কৰ্মীসকলে ৷ শতাধিক ছাত্ৰ-ছাত্ৰীয়ে কা' আমি নামানো, সৰ্বানন্দ সোণোৱাল হুচিয়াৰ, নৰেন্দ্ৰ মোডী হুচিয়াৰ, খিলঞ্জীয়া বিৰোধী চৰকাৰ হুচিয়াৰ আদি শ্লোগানেৰে প্ৰতিবাদস্থলী উত্তাল কৰি তোলে ৷ ইয়াৰ লগতে কা' বাতিলৰ দাবীত নলবাৰী চহৰৰ মাজেৰে এক বিশাল সমদল উলিয়াই নলবাৰী জিলা ছাত্ৰ সন্থাই । এই কাৰ্যসূচীত আছুৰ শিক্ষা সম্পাদক ভৱজিত বেজবৰুৱা আৰু আছুৰ ৰাজ্যিক কাৰ্যনিৰ্বাহক ৰিয়াজ উদ্দিন আহমেদে অংশগ্ৰহণ কৰে ।