Cattle Smuggling : নগাঁও আৰক্ষীয়ে জব্দ কৰিলে 9 খন বাহন সহ ৩৫ টা গৰু

গৰুৰ চোৰাং সৰবৰাহৰ বিৰুদ্ধে তৎপৰ হৈছে আনন্দ মিশ্ৰ বাহিনী ৷ নগাঁও জিলাৰ আৰক্ষী অধীক্ষক আনন্দ মিশ্ৰৰ নেতৃত্বত গৰুৰ চোৰাং সৰবৰাহৰ বিৰুদ্ধে শনিবাৰে চলোৱা হয় এক অভিযান ৷ অভিযানত বটদ্ৰৱাৰ ডুমডুমীয়া বজাৰৰ সমীপত ৯ খন চাৰিচকীয়া বাহন সহ ৩৫ টা গৰু আৰু নগদ ২.৫০ লাখ টকা উদ্ধাৰ কৰে আৰক্ষীয়ে ৷ গৰু খিনি বাংলাদেশলৈ সৰবৰাহ কৰাৰ বাবে লৈ যোৱা হৈছিল বুলি সন্দেহ প্ৰকাশ কৰিছে আৰক্ষীয়ে ৷ তদুপৰি সৰবৰাহৰ লগত জড়িত থকা সন্দেহত ২১ জন লোকক আটক কৰিছে আৰক্ষীয়ে ৷