ঢেকীয়াখোৱা বৰনামঘৰত আশিষ ল’লে সাংসদ গৌৰৱ গগৈয়ে

কলিয়াবৰৰ সাংসদ গৌৰৱ গগৈয়ে মঙলবাৰে ঐতিহাসিক ঢেকীয়াখোৱা বৰনামঘৰত উপস্থিত হৈ ভাদমহীয়া পালনামত অংশগ্ৰহণ কৰে । সাংবাদিকৰ সৈতে হোৱা বাৰ্তালাপত সাংসদগৰাকীয়ে নিমাতীঘাটৰ ফেৰী দুৰ্ঘটনা চৰকাৰৰ হেমাহীৰ ফলতে সংঘটিত হৈছে বুলি অভিযোগ কৰে ৷ কেৱল মেডিয়াক সন্তুষ্ট কৰিবলৈহে চৰকাৰখনে কেইগৰাকীমান বিষয়া-কৰ্মচাৰীক নিলম্বন অথবা অনান্য চৰকাৰী নিৰ্দেশনা জাৰি কৰিছে বুলি মন্তব্য প্ৰকাশ কৰে সাংসদ গৰাকীয়ে ৷ ইফালে, উপ-নিৰ্বাচনৰ ক্ষেত্ৰত বিশেষকৈ থাওৰা আৰু মৰিয়নি সমষ্টিত পুনৰ কংগ্ৰেছৰে জয় হ'ব বুলি সদৰি কৰে । বিজেপি চৰকাৰৰ নিজৰ কৰ্মীৰ ওপৰত আত্মবিশ্বাস নাই বাবে মন্ত্ৰীৰদ্বাৰা বিগত কেইদিনত উক্ত সমষ্টিকেইটাত বিভিন্ন আঁচনি আধাৰশিলা স্থাপন কৰি ভোটাৰ ৰাইজক আকৰ্ষণ কৰিবলৈ চেষ্টা কৰিছে বুলিও মন্তব্য প্ৰকাশ কৰে সাংসদগৰাকীয়ে ।