ডেৰমাহ ধৰি সন্ধান নাই কঠীয়াতলীৰ ৰিংকি কোঁৱৰৰ

ডেৰমাহ ধৰি সন্ধানহীন হৈ আছে এগৰাকী কিশোৰী । সন্ধানহীন কিশোৰী গৰাকী নগাঁৱৰ কঠীয়াতলী শগুণবাহীৰ ৰিংকি কোঁৱৰ । জানিব পৰা মতে, মাতৃৰ ধমকত ১৫ জুনৰ দিনা ঘৰৰ পৰা ওলাই গৈছিল । পৰৱৰ্তী সময়ত পৰিয়ালৰ লোকে বিচাৰ-খোঁচাৰ কৰিছিল, যদিও কোনো সম্ভেদ লাভ নকৰিলে ৰিংকি কোঁৱৰৰ ৷ পাচত আত্মীয়ই কঠিয়াতলী আৰক্ষী চকীত এই সন্দৰ্ভত এজাহাৰ দাখিল কৰে । ডেৰমাহ অতিক্ৰম কৰাৰ পাছতো ৰিংকি কোঁৱৰৰ কোনো সন্ধান লাভ কৰিবলৈ সক্ষম হোৱা নাই আৰক্ষী কিম্বা পৰিয়ালবৰ্গই । আনহাতে, সন্ধানহীন কিশোৰীগৰাকীৰ কিবা সম্ভেদ পালে স্থানীয় আৰক্ষী থানাত জনাবলৈ ৰাইজক অনুৰোধ জনাইছে ৰিংকি কোঁৱৰৰ আত্মীয়ই ।