অখিল গগৈক ভোট দি ভুল কৰিছিল নেকি শিৱসাগৰ বাসীয়ে ?

ৰাইজৰ দলৰ সভাপতি অখিল গগৈক পুনৰ তীব্র সমালোচনাৰ লক্ষ্য কৰি লৈছে মন্ত্ৰী পিযুষ হাজৰিকাই। দেওবাৰে সন্ধিয়া তিতাবৰত উপস্থিত হৈ মন্ত্ৰী পিযুষ হাজৰিকাই অখিল গগৈক হতাশগ্ৰস্ত নেতা বুলি অভিহিত কৰে । উপ-নিৰ্বাচনৰ পাচতে ৰাইজৰ দলৰ কোনো নেতা অসমত ওলাব নোৱাৰা অৱস্থা হ'ব বুলিও কটাক্ষ কৰে মন্ত্ৰীগৰাকীয়ে । অখিল গগৈক ভোট দি শিৱসাগৰৰ মানুহে এতিয়া নিজৰ ভুল উপলব্ধি কৰিছে বুলিও তাৎপৰ্যপূৰ্ণ মন্তব্য কৰে মন্ত্ৰী পিয়ুষ হাজৰিকাই ।