পাঠশালাত উপস্থিত মন্ত্ৰী পীযুষ হাজৰিকা

বৃহস্পতিবাৰে পাঠশালাত উপস্থিত হয় জলসম্পদ মন্ত্ৰী পীযুষ হাজৰিকা । পাঠশালাৰ প্ৰয়াত শিক্ষাবিদ সম্পূৰ্ণানন্দ তালুকদাৰৰ বাসগৃহত উপস্থিত হৈ মন্ত্ৰীগৰাকীয়ে শিক্ষাবিদ গৰাকীৰ বিয়োগত তেওঁৰ পৰিয়ালৰ লোকক সমবেদনা জ্ঞাপন কৰে । আনহাতে, মন্ত্ৰীগৰাকীয়ে ৰাজ্যৰ ভগ্ন আৰু নিৰ্মীয়মান মথাউৰি সন্দৰ্ভত সাংবাদিক সকলৰ আগত গুৰুত্বপূৰ্ণ মন্তব্য আগবঢ়ায় ৷ ৰাজ্যত সম্প্ৰতি স্থায়ীভাৱে মথাউৰি নিৰ্মাণকাৰ্য বন্ধ ৰখা হৈছে । এইবাৰ বানপানীত যাতে মথাউৰি ভাঙি নাযায় তাৰ প্ৰতি দৃষ্টি ৰখাৰ লগতে যদি কোনো ঠাইত বানে মথাউৰি ভাঙে তেন্তে ৰাতি 12 বজাত হ’লেও ঘটনাস্থলীত উপস্থিত হ’ব বুলি মন্তব্য কৰে মন্ত্ৰীগৰাকীয়ে ৷ আনহাতে, অসমত নতুনকৈ গঠন হোৱা ৱেব পৰ্টেলৰ বাবে উদ্বেগ প্ৰকাশ কৰে মন্ত্ৰীগৰাকীয়ে । পঞ্জীয়নকৃত নোহোৱা, নিৰ্দিষ্ট অফিচ নোহোৱা, মাচুল নিদিয়া আৰু কোনো নিয়ম নীতি নথকা ৱেব পৰ্টেল বন্ধ কৰাৰ কথা উল্লেখ কৰে মন্ত্ৰীগৰাকীয়ে । লগতে এই ক্ষেত্ৰত কেন্দ্ৰীয় চৰকাৰে কেনেধৰণৰ নিয়ম নীতি বান্ধি দিয়ে তাৰ প্ৰতি লক্ষ্য ৰাখি পৰৱৰ্তী সময়ত ব্যৱস্থা গ্ৰহণ কৰা হ’ব বুলিও মন্তব্য কৰে মন্ত্ৰী পীযুষ হাজৰিকাই ।