কচুৱাৰ লংজাপ উত্তৰ কলনীত অগ্নিকাণ্ড

নগাঁও জিলাৰ কচুৱাৰ লংজাপ উত্তৰ কলনিত বুধবাৰে নিশা ৰাজীৱ দাস নামৰ লোকজনৰ ঘৰত পাঁচ দুৰ্বৃত্তই অগ্নিসংযোগ কৰে । দুৰ্বৃত্তৰ দলটোৱে নিশা প্ৰায় ২ বজাত ৰাজীৱ দাসৰ ঘৰত উপস্থিত হৈ ঘৰত প্ৰৱেশ কৰিবলৈ চেষ্টা চলাইছিল । কিন্তু ৰাজীৱ দাস আৰু পত্নীয়ে বাধা দিয়াত দুৰ্বৃত্তৰ দলটোৱে দাসৰ বাসগৃহত অগ্নিসংযোগ কৰে ৷ মুহুৰ্ততে দাউ-দাউকৈ জ্বলি উঠা ঘৰটোৰ পৰা প্ৰাণৰক্ষা কৰিবলৈ বেৰ কাটি ওলাই আহে ৰাজীৱৰ লগতে মাতৃ-পত্নী ৷ ইয়াৰ পাছতে দুৰ্বৃত্তৰ দলটোৱে ৰাজীৱৰ মাতৃ আৰু পত্নীক চোকা অস্ত্ৰৰে আক্ৰমণ কৰে । ৰাজীৱ দাসে উল্লেখ কৰা অনুসৰি, দুৰ্বৃত্তকেইটা ক্ৰমে দুলাল দাস, শুকদেৱ দাস, মাণিক দাস, স্বপন দাস আৰু বীৰেন্দ্ৰ দাস । ইতিমধ্যে ভুক্তভোগী পৰিয়ালটোৱে ঘটনা সন্দৰ্ভত কচুৱা থানাত এজাহাৰ দাখিল কৰিছে ।