মঙলদৈ আৰক্ষীৰ তৎপৰতাত জব্দ 1500 লিটাৰৰো অধিক চুলাই

ৰাজ্যত অব্যাহত আছে ড্ৰাগছ, চুলাই মদৰ লগতে বিভিন্ন নিচাজাতীয় সামগ্ৰীৰ বিৰুদ্ধে অভিযান ৷ শনিবাৰে মঙলদৈ সদৰ আৰক্ষীয়ে জব্দ কৰে প্ৰায় 1500 লিটাৰৰো অধিক চুলাই মদ ৷ মঙলদৈ সদৰ আৰক্ষীয়ে জনোৱা মতে, শনিবাৰে নিশা চাৰিজন লোকে চাইকেলত চুলাই মদ সৰবৰাহৰ বাবে নি থকা অৱস্থাত তালাচী চলাই জব্দ কৰে বহু পৰিমাণৰ চুলাই মদ ৷ কিন্তু পলাই যাবলৈ সক্ষম হয় চাৰি চুলাই সৰবৰাহকাৰী ৷ উল্লেখ্য যে, চুলাই মদৰ ঘাটিৰ পৰা কৰ’ণাৰ ব্যাপক সংক্ৰমণ হোৱাৰ সন্দেহত মুখ্যমন্ত্ৰী হিমন্ত বিশ্ব শৰ্মাই চুলাই মদৰ ঘাটিসমূহ উচ্ছেদ কৰিবলৈ নিৰ্দেশ প্ৰদান কৰিছে ৷ তাৰ পিছতে তৎপৰ হৈ পৰিছে মঙলদৈ সদৰ থানা আৰক্ষী ৷ মঙলদৈ সদৰ থানাৰ আৰক্ষী বিষয়া মস্কো শইকীয়া আৰু দেন্টজিং দেউৰীয়ে অভিযান চলাই মঙলদৈৰ বিভিন্ন স্থানৰ পৰা চুলাই মদ জব্দ কৰে লগতে চুলাইৰ ঘাটিও উচ্ছেদ কৰিবলৈ সক্ষম হয় ৷