ভবানীপুৰত কংগ্ৰেছৰ প্ৰাৰ্থী শৈলেদ্ৰ নাথ দাসক ভোট দিবলৈ আহ্বান লুৰিণৰ

বিজেপি দলে বিকাশ নহয়, বিনাশহে কৰে ৷ এই মন্তব্য অসম জাতীয় পৰিষদৰ সভাপতি লুৰিণজ্যোতি গগৈৰ ৷ শনিবাৰে ভবানীপুৰ সমষ্টিত এখন ৰাজহুৱা সভাত দলটোক কঠোৰ ভাষাৰে সমালোচনা কৰি এই মন্তব্য কৰে লুৰিণজ্যোতি গগৈয়ে ৷ তেওঁ কংগ্ৰেছ দলৰ প্ৰাৰ্থী শৈলেদ্ৰ নাথ দাসক ভোট দিবলৈ ৰাইজক আহ্বান জনাই বিজেপিৰ সাম্প্ৰদায়িক ৰাজনীতিয়ে অসমৰ ভাষা সংস্কৃতি ভয়াৱহ ভবিষ্যতলৈ ঠেলি দিছে বুলি দলটোক সমালোচনা কৰে । তেওঁ লগতে জনতাক বিজেপিয়ে দিয়া ভুৱা প্ৰতিশ্ৰুতিৰ প্ৰতিবাদ জনাবলৈ আহ্বান জনায় ৷ অসম জাতীয় পৰিষদৰ সভাপতিগৰাকীয়ে এ আই ইউ ডি এফ(AIUDF) দলকো কটাক্ষ কৰি এ আই ইউ ডি এফৰ ৰাজনীতি চলালৈকে বিজেপি দলৰ লাভ হ’ব বুলি মন্তব্য কৰে ।