ৰঙিয়াৰ মুৰাৰাত উত্তপ্ত পৰিস্থিতি

সোমবাৰে নিশা ৰঙিয়া নগৰৰ ৩ নং ৱাৰ্ডৰ মুৰাৰাত উত্তপ্ত পৰিস্থিতিৰ সৃষ্টি । নিৰ্বাচনৰ প্ৰাকমুহুৰ্তত শাসকীয় দলৰ প্ৰাৰ্থী ভৱেশ কলিতাৰ হৈ দুই বিজেপি নেতাই মুৰাৰাত নগদ ধন বিলাবলৈ অহাৰ অভিযোগ উত্থাপিত হৈছে ৷ এই কথা পোহৰলৈ অহাত সচেতন লোকসকলে ইয়াৰ বিৰোধিতা কৰে ৷ এই কাৰ্যত ক্ষুব্ধ হৈ দুই বিজেপি নেতাই আক্ৰমণ কৰে ফৰিদ আলী নামৰ এজন যুৱকক । তাৰ পিছতেই উক্ত স্থানত সৃষ্টি হয় উত্তপ্ত পৰিস্থিতি ৷ ৰাইজৰ উগ্ৰমূৰ্তি দেখি ঘটনাস্থলীৰ পৰা পলায়ন কৰে দুই বিজেপি নেতাই । অসম চৰকাৰ জলসিঞ্চন বিভাগৰ মন্ত্ৰী ভৱেশ কলিতা মুৰ্দাবাদ, টকা দি ভোট কিনা ৰাজনীতি নচলিব আদি শ্লোগানেৰে স্থানীয় ৰাইজে পৰিৱেশ উত্তাল কৰি তোলে ।