আমবাগানত দুটা ফৈদৰ মাজত ভূমি কেন্দ্ৰিক তয়াময়া ৰণ

চামগুৰিৰ আমবাগানত দুই-ফৈদৰ মাজত প্ৰচণ্ড মাৰপিট । ভাটিয়াখালী গাঁৱত ভূমি বিবাদক কেন্দ্ৰ কৰি দুই ফৈদৰ মাজত সংঘটিত হয় এই মাৰপিটৰ ঘটনা ৷ দুই ফৈদৰ এই মাৰপিটৰ ঘটনাত গুৰুতৰ বাবে আহত হয় দুয়ো পক্ষৰ পুৰুষ মহিলা সহ দহ জনতকৈ অধিক লোক । ইতিমধ্যে আহত সকলক ভৰ্তি কৰা হৈছে কাৱৈমাৰী নুৰুল হুছেইন প্ৰাথমিক চিকিৎসালয়ত ৷ ইয়াৰে কেইজনমানক সংকটজনক অৱস্থাত উন্নত চিকিৎসাৰ বাবে নগাঁৱৰ ভোগেশ্বৰী ফুকননী অসামৰিক চিকিৎসালয়লৈ প্ৰেৰণ কৰা হৈছে ৷ ভাটিয়াখালী গাঁৱৰ হজৰত আলী আৰু আতৰ আলীৰ পৰিয়ালৰ মাজৰ সৃষ্টি হৈছিল ভূমি কেন্দ্ৰিক এই সংঘাত ৷ স্থানীয় লোকৰ খবৰৰ ভিত্তিত ঘটনাস্থলীত আমবাগান আৰক্ষীৰ এটা দল উপস্থিত হৈ আৰম্ভ কৰিছে তদন্ত।