বিশ্বনাথত জিলা প্ৰশাসনৰ উদ্যোগত স্বাধীনতা দিৱস উদযাপন

সমগ্ৰ দেশৰ লগতে অসমতো ৭৫ সংখ্যক স্বাধীনতা দিৱস (75th Independence day) উলহ-মালহেৰে পালন কৰা হয় । প্ৰতিখন জিলাৰ সমান্তৰালকৈ বিশ্বনাথ জিলা প্ৰশাসনৰ উদ্যোগতো আয়োজন কৰা হয় স্বাধীনতা দিৱসৰ কাৰ্যসূচী । প্ৰশাসনৰ উদ্যোগত আয়োজন কৰা স্বাধীনতা দিৱসৰ ৰাষ্ট্ৰীয় পতাকা উত্তোলন কৰে জিলা উপায়ুক্ত প্ৰণৱ কুমাৰ শৰ্মাই । বিশ্বনাথ জিলাৰ কাছাৰী ময়দানত অনুষ্ঠিত এই স্বাধীনতা দিৱসত জিলাখনৰ বহু কেইবাগৰাকী বিশিষ্ট ব্যক্তিক সম্বৰ্ধনা জনোৱা হয় । ইফালে স্বাধীনতা দিৱসৰ কুচ-কাৱাজত আৰক্ষী, অৰ্ধসামৰিক বাহিনীৰ লগতে স্কাউট-গাইড আৰু এনচিচিৰ দলেও অংশগ্ৰহণ কৰে । জিলাখনত ৰূপায়ণ কৰা বিভিন্ন আঁচনি সন্দৰ্ভত ভাষণ প্ৰদান কৰে অনুষ্ঠানৰ মুখ্য অতিথি উপায়ুক্তগৰাকীয়ে ।