যোৰহাটৰ কাছাৰী মৈদানত উদযাপন ৭৫ সংখ্যক স্বাধীনতা দিৱস

সমগ্ৰ দেশৰ লগতে যোৰহাটৰ কাছাৰী মৈদানতো দেওবাৰে উদযাপন কৰা হয় ৭৫ সংখ্যক স্বাধীনতা দিৱস ৷ যোৰহাট জিলা প্ৰশাসনৰ উদ্যোগত উদযাপন কৰা হয় স্বাধীনতা দিৱসটি ৷ সেই উপলক্ষে ৰাজ্যৰ শিক্ষামন্ত্ৰী তথা যোৰহাটৰ অভিভাৱক মন্ত্ৰী ডাঃ ৰণোজ পেগুৱে উত্তোলন কৰে পতাকা ৷ ক’ভিড মহামাৰীৰ বাবে বিগত বৰ্ষসমূহৰ দৰে শিক্ষানুষ্ঠানসমূহে অংশগ্ৰহণ কৰা নাই স্বাধীনতা দিৱসৰ কাৰ্যসূচীত ৷ যোৰহাট আৰক্ষী, যোৰহাট যান-বাহন আৰক্ষী, CRPF ৰ লগতে NCC য়ে অংশগ্ৰহণ কৰে এই কাৰ্যক্ৰমত ৷