টীয়কত বৃহৎ পৰিমাণৰ অবৈধ সুৰা জব্দ

টীয়কত দেওবাৰে এখন বাহনসহ বৃহৎ পৰিমাণৰ অবৈধ সুৰা (Illegal Liquor) জব্দ কৰে আবকাৰী বিভাগে ৷ টীয়কৰ চটাইত ৰাষ্ট্ৰীয় ঘাইপথত এখন ট্ৰাকসহ বিদেশী সুৰা জব্দ কৰিবলৈ সক্ষম হয় আৰক্ষী ৷ শিৱসাগৰৰ দিশৰ পৰা আহি থকা AS-05 C-1169 নম্বৰৰ বিস্কুট কঢ়িওৱা ট্ৰাকখনৰ পৰা অবৈধ বিদেশী সুৰা জব্দ কৰি চালকসহ ট্ৰাকখন আৰক্ষীৰ জিম্মাত ৰাখি তদন্ত অব্যাহত ৰখা হৈছে ৷ উল্লেখ্য যে, গ্ৰামাঞ্চলসমূহত ক’ভিড (Covid) সংক্ৰমণৰ মূল কাৰণ অবৈধ সুৰাৰ অবাধ প্ৰচলন বুলি সৰ্বত্ৰে প্ৰচাৰ চলি থকাৰ সময়তে টীয়কৰ আবকাৰী বিভাগে এই অবৈধ সুৰাৰ বিৰুদ্ধে চলাইছে ধাৰাবাহিক অভিযান । ইতিমধ্যে বিভাগটোৱে লাহদৈগড় আৰক্ষী চকী আৰু টীয়ক আৰক্ষীৰ সহযোগত গ্ৰামাঞ্চলত অবৈধভাৱে থকা চুলাইৰ প্ৰায় অৰ্ধ শতাধিক ঘাটি উচ্ছেদ কৰে ৷