ডিব্ৰুগড়ৰ বগীবিলত ২০০০ কাৰ্টুন অৰুণাচলী সুৰা জব্দ

ডিব্ৰুগড়ত জব্দ বৃহৎ পৰিমাণৰ অৰুণাচলী সুৰা । ডিব্ৰুগড়ৰ বগীবিলৰ পৰা দুখন সুৰা ভৰ্তি ট্ৰাক জব্দ আবকাৰী বিভাগৰ । AS-09AC-5833 আৰু HR-55N-7532 নম্বৰৰ ট্ৰাক দুখনৰ পৰা জব্দ ২০০০ কাৰ্টুন অৰুণাচলী সুৰা । নাহৰলগুণৰ পৰা ৰঙিয়ালৈ নি থকা অৱস্থাত আৱকাৰী বিভাগে চলোৱা অভিযানত জব্দ এই বৃহৎ পৰিমাণৰ অৰুণাচলী সুৰা । এই জব্দকৃত অৰুণাচলী সুৰাখিনিৰ মূল্য অৰুণাচলত ১৬ লাখ টকা আৰু অসমত ২৭ লাখ টকাৰ হ'ব বুলি অনুমান কৰিছে আবকাৰী বিভাগে । ট্ৰাক দুখনৰ লগতে বি. দত্ত আৰু স্বপ্নাম সিং নামৰ দুই সৰবৰাহকাৰীক গ্ৰেপ্তাৰ কৰিছে আবকাৰী বিভাগে ।