চৰকাৰৰ এশ দিনৰ কৰ্মসূচীৰ খতিয়ান হোজাই জিলা উপায়ুক্তৰ

মুখ্যমন্ত্ৰী ড৹ হিমন্ত বিশ্ব শৰ্মাৰ নেতৃত্বত ৰাজ্য চৰকাৰে সফলতাৰে এশ দিন সম্পূৰ্ণ কৰিলে । এই উপলক্ষে শুকুৰবাৰে হোজাইৰ জিলা উপায়ুক্তই এখন সংবাদমেল সম্বোধন কৰি চৰকাৰৰ সাফল্যৰ খতিয়ান দাঙি ধৰে ৷ হোজাই জিলা উপায়ুক্ত ড৹ সদনেক সিঙে চৰকাৰে বিগত এশটা দিনত জনসাধাৰণৰ সৰ্বাংগীণ উন্নয়নৰ বাবে লোৱা বিভিন্ন দৃষ্টান্তমূলক সিদ্ধান্ত, ৰূপায়ণ কৰা বিভিন্ন আঁচনি, প্ৰতিশ্ৰুতি তথা সংকল্প আদিৰ বিষয়ে অৱগত কৰে । উক্ত সংবাদমেলত হোজাই জিলাৰ অতিৰিক্ত উপায়ুক্ত গকুল চন্দ্ৰ ব্ৰহ্ম, জয়শংকৰ শৰ্মা আৰু হোজাই জিলা পৰিষদৰ মুখ্য কাৰ্যবাহী বিষয়া দেৱাশীষ বৈশ্য উপস্থিত থাকে ।