শিল্পী দিৱসৰ দিনটোতে দুই বিশিষ্ট শিল্পীলৈ হেমাংগ বিশ্বাস বঁটা

আজি শিল্পী দিৱস ৷ সেই উপলক্ষে ৰাজ্যজুৰি উদযাপিত হৈছে জ্যোতিপ্ৰসাদ আগৰৱালাৰ মৃত্যুৰ দিনটো ৷ ৰূপকোঁৱৰৰ 70 সংখ্যক মৃত্যু বাৰ্ষিকীত ৰাজ্যবাসীয়ে শ্ৰদ্ধাৰে সুঁৱৰিছে সৰ্বকালৰ সৰ্বশ্ৰেষ্ঠ মহান শিল্পী গৰাকীক ৷ ৰূপকোঁৱৰৰ গীতে-মাতে মুখৰিত হৈ পৰিছে ৰাজ্যৰ চৌদিশ ৷ ৰাজ্যৰ বিভিন্ন প্ৰান্তৰ সমান্তৰালকৈ মহানগৰীৰ লক্ষীধৰ বৰা ক্ষেত্ৰত ভাৰতীয় গণনাট্য সংঘই আয়োজন কৰিছে জ্যোতিস্মৰণ আৰু গণশিল্পী হেমাংগ বিশ্বাস বঁটা প্ৰদান অনুষ্ঠান ৷ শিল্পী দিৱসৰ লগত সংগতি ৰাখি গণনাট্য সংঘই দুগৰাকী বিশিষ্ট শিল্পীক প্ৰদান কৰিলে হেমাংগ বিশ্বাস বঁটা ৷ মৰিগাঁৱৰ তোষেশ্বৰ সেনাপতি আৰু গোলাঘাটৰ ধনেশ্বৰ শইকীয়াক প্ৰদান কৰা হয় ক্ৰমে 2020 আৰু 2021 বৰ্ষৰ হেমাংগ বিশ্বাস বঁটা ৷