নেপালী সকলৰ জ্ঞান যজ্ঞৰ আয়োজন

নেপালী সম্প্ৰদায়ৰ ভক্ত বৃন্দই বিশ্ব শান্তি, উন্নতি আৰু প্ৰগতিৰ হকে জোনাই মহকুমাৰ চিগা গাওঁ পঞ্চায়তৰ অন্তৰ্গত ১ নং চিংগাপুৰ গাঁৱৰ সাৰ্বজনীন দুৰ্গা মন্দিৰ প্ৰাংগণত ভাগৱত মহাপুৰাণ আৰু সপ্তাহ যোৰা জ্ঞান যজ্ঞৰ আয়োজন কৰিছে ৷ এই বৃহৎ ধৰ্মীয় অনুষ্ঠানটোত সন্নিৱিষ্ট থাকিব সনাতন ধৰ্মৰ সংস্কাৰক আৰু সংস্কৃতি সংৰক্ষক বিষ্ণুকমল শাস্ত্ৰীৰ অমৃত প্ৰবচন কাৰ্যসূচী ৷ উদ্যোক্তা সকলে সপ্তাহ যোৰা জ্ঞান যজ্ঞৰ পবিত্ৰ অনুষ্ঠানত জোনাইৰ ধৰ্মপ্ৰাণ ৰাইজৰ উপস্থিতি কামনা কৰিছে ৷ সমগ্ৰ অঞ্চলটোত অনুষ্ঠানটোৱে এতিয়া আধ্য়াত্মিক পৰিৱেশৰ লগতে আনন্দ-উচাহৰ বতৰা লৈ আহিছে ৷