বিধ্বংসী অগ্নিকাণ্ডত ছাই হ'ল ১৫ খন ব্য়ৱসায়িক প্ৰতিষ্ঠান

বৰপেটা: বৰপেটা জিলাৰ শিলা বজাৰত মঙলবাৰে নিশা সংঘটিত হয় এক অগ্নিকাণ্ডৰ ঘটনা ।‌ ফলত ১৫ খন ব্য়ৱসায়িক প্ৰতিষ্ঠান ভস্মীভূত হয় । নিশা প্ৰায় এক বজাত সূত্ৰপাত হোৱা অগ্নিকাণ্ডত কোনো লোক হতাহত হোৱা নাই ।‌ ক্ষয়-ক্ষতিৰ পৰিমাণ কেবা লক্ষাধিক টকা হ'ব বুলি ক্ষতিগ্ৰস্ত ব্যৱসায়ীসকলে উল্লেখ কৰিছে ।  

আনহাতে, অগ্নিনিৰ্বাপক বাহিনী আৰু এছ ডি আৰ এফৰ দল ঘটনাস্থলীত বহু পলমকৈ ঘটনাস্থলীত উপস্থিত হোৱা বুলি একাংশ ৰাইজে ক্ষোভ প্ৰকাশ কৰিছে । ইয়াৰ ফলত ক্ষয়-ক্ষতিৰ পৰিমাণ বৃদ্ধি হোৱা বুলি ৰাইজে অভিযোগ উত্থাপন কৰিছে । আৰক্ষী আৰু অগ্নিনিৰ্বাপক বাহিনীৰ প্ৰাথমিক অনুসন্ধানত বিদ্যুতৰ শ্বৰ্ট চাৰ্কিটৰ ফলতে অগ্নিকাণ্ড সংঘটিত হোৱা বুলি সন্দেহ কৰা হৈছে ।

লগতে পঢ়ক:ভাৰতীয় ষ্টেট বেংকৰ গ্ৰাহক সেৱা কেন্দ্ৰত দুৰ্বৃত্তৰ গুলীচালনা; আহত তিনি