মৰাণ: অসম আৰক্ষীৰ ড্ৰাগছ বিৰোধী অভিযানৰ ফোঁপোলা স্বৰূপ উদঙাই দিলে নগা দুৰ্বৃত্তই । চৰাইদেউৰ নামতোলাত অসমৰ ড্ৰাগছ সৰবৰাহকাৰীক অপহৰণ কৰি উদঙাই দিলে অসমত চলি থকা ড্ৰাগছৰ গোপন বজাৰ । চৰাইদেউৰ অসম নগালেণ্ড সীমান্তত আৰক্ষী চকীৰ ওচৰতে অসমৰ ব্যৱসায়ীয়ে গোপনে ড্ৰাগছ সৰবৰাহ কৰি থকাৰ পাছতো আৰক্ষীয়ে বিশেষ পদক্ষেপ গ্ৰহণ নকৰাত নগা দুৰ্বৃত্তই সংঘটিত কৰিছে অপহৰণকাণ্ড ।
অসম আৰক্ষীৰ ড্ৰাগছ বিৰোধী অভিযানৰ ফোঁপোলা স্বৰূপ উদঙাই দিলে নগা দুৰ্বৃত্তই । চৰাইদেউৰ নামতোলাত অসমৰ ড্ৰাগছ সৰবৰাহকাৰীক অপহৰণ কৰি উদঙাই দিলে অসমত চলি থকা ড্ৰাগছৰ গোপন বজাৰ ।
উল্লেখযোগ্য অসম আৰক্ষীক অস্তিত্বহীন কৰি সোমবাৰে সন্ধিয়া নামতোলা আৰক্ষী চকীৰ নিচেই কাষৰ পৰা নগা দুৰ্বৃত্তই গুলী ফুটাই অপহৰণ কৰিছিল অসমৰ ব্যৱসায়ীক । মুছলেক আলী নামৰ লোকজনক নিজা ব্যৱসায় প্ৰতিষ্ঠানত বহি থকা সময়ত অস্ত্ৰধাৰী দুৰ্বৃত্তই অপহৰণ কৰি লৈ গৈছিল । অপহৰণ কোনে কৰিছে সেই সম্পৰ্কত কোনো তথ্য আজিও উদঘাটন কৰিব পৰা নাই অসম আৰক্ষীয়ে ।
অপহৰণৰ পিছদিনাই অপহৰণকাৰীয়ে ৰাজহুৱা কৰিছিল অপহৃত ব্যৱসায়ী মুছলেক আলীৰ বিস্ফোৰক ভিডিঅ' বাৰ্তা । অপহৰণকাৰীৰ কৱলত থকা গোপন স্থানৰ পৰা প্ৰেৰণ কৰা হৈছিল ভিডিঅ'টো । ড্ৰাগছ ব্যৱসায়ৰ সৈতে জড়িত থকাৰ বাবে নগাৰ ৰোষত পৰিছে মুছলেক আলী সেই কথা নিশ্চিত হৈছে ভিডিঅ' বাৰ্তাৰ জৰিয়তে । ইয়াৰ পাছতে আজি পুনৰ মুছলেক আলীৰ অন্য এটা ভিডিঅ' মুকলি নগা বিদ্ৰোহী সংগঠনৰ । ক'ত কেনেকৈ ড্ৰাগছৰ বেহা অব্যাহত ৰাখে তাৰ তথ্য সদৰী কৰিলে মুছলেক আলীয়ে ।
কি আছে অপহৃত মুছলেক আলীৰ ভিডিঅ' বাৰ্তাত:
চৰাইদেউ নামতোলাৰ মুছলেক আলীয়ে দুগা দুৰ্বৃত্তৰ কৱলৰ পৰা কয় যে চৰাইদেউৰ টাউকাক নামৰ অঞ্চলৰ পৰা ড্ৰাগছ ক্ৰয় কৰে । বহুকেইজনে ড্ৰাগছ ক্ৰয় কৰাৰ কথা অপহৰণৰকাৰীৰ আগত কৈ গৈছে । অপহৃত মুছলেক আলীয়ে ৫০ হাজাৰ টকা মুল্যত ড্ৰাগছৰ টেমা ক্ৰয় কৰে এবাৰত সেই কথা উল্লেখ কৰিছে । পূৰ্বে চাৰি বছৰ এই কাম কৰাৰ পাছত মাজতে এৰি দি পুনৰ দুটা বছৰ ড্ৰাগছ সৰবৰাহ কৰি থকাৰ কথা উল্লেখ কৰিছে ।
অপহৃত মুছলেক আলীয়ে ড্ৰাগছ ব্যৱসায় কৰি নগা সমাজক ধ্বংস কৰি থকা মূল মানুহ বুলি ভিডিঅ' বাৰ্তাত অপহৰণৰকাৰীসকলে উল্লেখ কৰিছে মুছলেক আলীৰ সন্মুখত । এই কাম পুনৰ নকৰিবলৈ সকীয়নি দিয়াৰ লগতে কৰিলে চৰম শাস্তি প্ৰদান কৰা হ'ব বুলিও সকীয়াই দিয়া হৈছে ।
উল্লেখযোগ্য যে, ৰাজ্য চৰকাৰৰ গৃহ বিভাগে জিলাই জিলাই ড্ৰাগছ দহন কাৰ্যসূচী কৰি একপ্ৰকাৰে অসমক ড্ৰাগছমুক্ত কৰা বুলি জাহিৰ কৰি আহিছে । কিন্তু অসম আৰক্ষীৰ ড্ৰাগছ বিৰোধী অভিযান যে সফল হোৱা নাই সেই কথা বুজাই দিছে নগা দুৰ্বৃত্তই । অসম-নাগালেণ্ডৰ সীমান্তত মুকলিকৈ চলি থকা ড্ৰাগছ সৰবৰাহৰ বাস্তৱ ছবিখন উদঙাই দিছে এই অপহৰণৰকাণ্ডৰ দ্বাৰা নগা দুৰ্বৃত্তই ।
