কুখ্যাত অপৰাধী বিমান বৰাক এনকাউণ্টাৰ ডিব্ৰুগড় আৰক্ষীৰ

উজনি অসমৰ কুখ্যাত অপৰাধী বিমান বৰাক এনকাউণ্টাৰ(Encounter) ডিব্ৰুগড় আৰক্ষী(Dibrugarh Police)ৰ ৷ বিমানক চাবুৱা বাইপাছৰ কাজিখোৱাত বুধবাৰে পুৱা 4.30 বজাত এনকাউণ্টাৰ কৰে আৰক্ষীয়ে ৷ হত্যা, অপহৰণ, ডকাইতি আৰু চুৰিকাণ্ডৰ দৰে অপৰাধত জড়িত আছিল অপৰাধী বিমান ৷ জানিব পৰা মতে, এখন গাড়ী চুৰি কৰিবলৈ যোৱাৰ সময়তে কুখ্যাত অপৰাধী বিমানক গ্ৰেপ্তাৰ কৰিবলৈ চেষ্টা কৰে আৰক্ষীয়ে ৷ কিন্তু পলাবলৈ চেষ্টা চলাওতেই আৰক্ষীৰ গুলিত বাঁওভৰিত আঘাতপ্ৰাপ্ত হয় অপৰাধীটো । বৰ্তমান ডিব্ৰুগড়ৰ এএমচিএইচ(AMCH)ত চিকিৎসাধীন হৈ আছে বিমান ৷ বিমানৰ পৰা ইতিমধ্যে পিষ্টলসহ এডাল তাঁৰ জব্দ কৰিছে আৰক্ষীয়ে ।