অসমৰ কেজৰিৱালে দাখিল কৰিলে মনোনয়ন

মই অসমৰ কেজৰিৱাল হয় ৷ মোৰ কোনো দুৰ্নীতি নাই ৷ দিল্লীৰ মুখ্যমন্ত্ৰী অৰবিন্দ কেজৰিৱালৰ দৰেই মই কাম কৰোঁ ৷ সেইয়ে মই অসমৰ কেজৰিৱাল ৷ এই দাবী উত্তৰ অভয়াপুৰী সমষ্টিৰ আম আদমী পাৰ্টিৰ মনোনীত প্ৰাৰ্থী শ্বেখ আব্দুল্লাৰ ৷ বঙাইগাঁও জিলাৰ উত্তৰ শালমাৰা মহকুমাৰ মহকুমাধিপতিৰ কাৰ্যালয়ত মনোনয়ন দাখিল কৰিবলৈ আহি প্ৰাৰ্থী শ্বেখ আব্দুল্লাই নিৰ্বাচনত জয়ী হ'লে দুৰ্নীতিত জড়িত উপায়ুক্ত,বিধায়ক, আৰক্ষী আধীক্ষক সকলোকে জে'লৰ ভাত খোৱাব বুলিও মন্তব্য কৰে ৷ তদুপৰি, এশ এবুৰি সমস্যাৰে ডুব যোৱা উত্তৰ অভয়াপুৰী সমষ্টিয়ে নহয় সমগ্ৰ বঙাইগাঁও জিলাকেই দুৰ্নীতিমুক্ত কৰিব বুলিও জানিবলৈ দিয়ে ৷