ধেমাজিত অব্যাহত নাগৰিকত্ব সংশোধনী আইন বিৰোধী প্ৰতিবাদ

ধেমাজি , 15 ডিচেম্বৰঃ ৰাজ্যৰ বিভিন্ন জিলাত নাগৰিকত্ব সংশোধনী আইন বিৰোধী প্ৰতিবাদ অব্যাহত থকাৰ সময়তে ধেমাজিতো ৰাইজৰ লগতে বিভিন্ন দল সংগঠনে অব্যাহত ৰাখিছে চি(এ)এ বিৰোধী প্ৰতিবাদ ৷ ইয়াৰ পৰিপ্ৰেক্ষিততে দেওবাৰে ধেমাজিত ৰাইজে শ্বহীদ উদ্যানৰ পৰা এক প্ৰতিবাদী সুৰ সমদল উলিয়াই ৷  উল্লেখ্য যে, বিগত 7 দিনৰ পৰা ধেমাজিত স্তব্ধ আছে জনজীৱন ৷ তেল ডিপোৰ পৰা আদি কৰি সকলো দোকান পোহাৰ বন্ধ হৈ পৰা ফলত ৰাইজে বিভিন্ন ধৰণৰ সমস্যাৰ সন্মুখীন হ'ব লগীয়া হৈছে যদিও ৰাইজে অবিৰামভাৱে চি(এ)এ বিৰোধী প্ৰতিবাদ অব্যাহত ৰাখিছে ৷