ডিচেম্বৰৰ শেষৰ ভাগত চানমাৰিত অনুষ্ঠিত হ’ব গ্ৰন্থমেলা

গ্ৰন্থপ্ৰেমীৰ বাবে সুখবৰ। ক’ভিড সৃষ্ট পৰিৱেশৰ পিছত পুণৰ মহানগৰীৰ চানমাৰি খেলপথাৰত অনুস্থিত হ’ব গ্ৰন্থমেলা। অসম প্ৰকাশন পৰিষদ আৰু সদৌ অসম পুথি প্ৰকাশ আৰু বিক্ৰেতা সংস্থাৰ যুটীয়া উদ্যোগত অনুস্থিত হ’ব এই গ্ৰন্থ মেলা । চলিত বৰ্ষৰ ডিচেম্বৰৰ শেষৰ ভাগত আৰম্ভ হ’ব গ্ৰন্থমেলাখনি । গ্ৰন্থমেলাৰ আয়োজন সন্দৰ্ভত অসম প্ৰকাশন পৰিষদৰ সচিব প্ৰমোদ কলিতাই ইটিভি ভাৰতৰ আগত কয় যে, অসম প্ৰকাশন পৰিষদ আৰু সদৌ অসম পুথি প্ৰকাশক আৰু বিক্ৰেতা সংস্থাৰ যৌথ উদ্যোগত এইবাৰ গ্ৰন্থ মেলাৰ যো জা চলোৱা হৈছে ।