ৰাজেন্দ্ৰ প্ৰসাদ সিঙৰ বিজেপিত যোগদানৰ বিৰোধিতাৰে ওলাই আহিল বিজেপি কৰ্মী

তিনিচুকীয়া, 11 জুলাইঃ তিনিচুকীয়া বিধানসভা সমষ্টিৰ কংগ্ৰেছৰ প্ৰাক্তন বিধায়ক ৰাজেন্দ্ৰ প্ৰসাদ সিঙে বিজেপিত যোগদান কৰাৰ কুচ কাৱাজ চলাই থকাৰ সময়তে বৃহস্পতিবাৰে প্ৰতিবাদত নামিল বিজেপিকৰ্মী ৷ ৰাজেন্দ্ৰ প্ৰসাদ সিঙৰ বিজেপিত যোগদানৰ বিৰোধিতা কৰি তিনিচুকীয়াৰ থানা চাৰিআলিত জিলা বিজেপিৰ সদস্য সকলে ৰাজেন্দ্ৰ প্ৰসাদ সিঙৰ পুত্তলিকা দাহ কৰি তীব্ৰ প্ৰতিবাদ সাব্যস্ত কৰে ৷