নলবাৰীত বিজেপিৰ বিজয় সংকল্প সমাবেশৰ প্ৰস্তুতি প্ৰায় সম্পূৰ্ণ

নলবাৰীত অমিত শ্বাহৰ বিজয় সংকল্প সমাবেশ ৰ প্ৰস্তুতি প্ৰায় সম্পূৰ্ণ হৈ উঠিছে ৷ নলবাৰীৰ কেন্দুকুছিৰ শ্বহীদ মুকুন্দ কাকতি ক্ষেত্ৰত বিজয় সংকল্প সমাবেশত অংশ ল'ব দেশৰ গৃহমন্ত্ৰী অমিত শ্বাহে । প্ৰায় দুই লাখ লোকৰ বাবে সাজু কৰি তোলা হৈছে মণ্ডপ ৷ সাজু হৈ উঠিছে হেলিপেডো ৷ তদুপৰি সভাত অংশ ল'বলৈ অহা বিজেপি কৰ্মীসকল যাতে কোনো সমস্যাৰ সন্মুখীন হ'ব লগা নহয় তাৰে বাবে সম্পূৰ্ণ ব্যৱস্থা কৰা হৈছে ৷ আনহাতে, গৃহমন্ত্ৰী অমিত শ্বাহৰ উপস্থিতিত যাতে নিৰাপত্তা ব্যৱস্থাৰ ক্ষেত্ৰত কোনোধৰণৰ সমস্যা নহয় তাৰবাবেও কেইবাতৰপীয়া নিৰাপত্তা ব্যৱস্থা কৰা হৈছে ৷ এই সমগ্ৰ বিষয় সন্দৰ্ভত ইটিভি ভাৰতৰ আগত মন্তব্য কৰে ৰাজ্যিক বিজেপিৰ উপ সভাপতি জয়ন্ত মল্ল বৰুৱাই ৷