তিনিদিনীয়া বৰাক ভ্ৰমণসূচীৰে মঙলবাৰে শিলচৰত উপস্থিত বিশ্বজিৎ দৈমাৰী

তিনি দিনীয়া বৰাক ভ্ৰমণৰ কাৰ্যসূচীৰে মঙলবাৰে শিলচৰত উপস্থিত হয় অসম বিধানসভাৰ অধ্যক্ষ বিশ্বজিৎ দৈমাৰী । শিলচৰ বিমানবন্দৰৰ পৰা কাছাৰ জিলাৰ উধাৰবন্দত উপস্থিত হৈ খাসপুৰ ৰাজবাৰি পৰিদৰ্শন কৰে অসম বিধানসভাৰ অধ্যক্ষ বিশ্বজিৎ দৈমাৰীয়ে । সংবাদ মাধ্যমৰ আগত দৈমাৰীয়ে কয়, ঐতিহাসিক সম্পদসমূহ সংৰক্ষণৰ ক্ষেত্ৰত চৰকাৰে ব্যৱস্থা গ্ৰহণ কৰিছে ৷ অধ্যক্ষ বিশ্বজিৎ দৈমাৰীক সংগ দিয়ে হাফলংৰ বিধায়কা নন্দিতা গার্লোচা, উধাৰবন্দৰ বিধায়ক মিহিৰকান্তি সোম, লক্ষীপুৰৰ বিধায়ক কৈশিক ৰায় আৰু কাছাৰ জিলা উপায়ুক্ত কীর্তি জল্লিয়ে ।