ৰঙালীৰ প্ৰস্তুতিৰ ব্যস্ত নলবাৰীৰ শান্তিপুৰৰ মহিলাসকল

ক’ভিডৰ ভয়াবহতাৰ মাজতে ৰঙালীক আদৰিবলৈ সাজু হৈছে প্ৰতিজন অসমীয়া ৷ ক’ৰবাত যদি ডেকা-গাভৰু বিহু নাচৰ আখৰাত ব্যস্ত, আন কোনো আকৌ ব্যস্ত বিহুৰ পিঠা-পনা বনোৱাত ৷ গৰু বিহুৰ আগদিনা নলবাৰীৰ শান্তিপুৰ কলনীত ঢেকীশালত ব্যস্ত হৈছে মহিলাসকল ৷ পিঠাগুৰি খুন্দাৰ পৰা পিঠাপনা বনোৱালৈকে ঢেকীশালতে চলিছে সকলো ৷ লগতে ঢেকীশালতে এফাঁকি বিহুগীত জুৰি হেঁপাহৰ ৰঙালীক আদৰিলে গৃহিণীসকলে ৷ আধুনিকতাৰ গ্ৰাসত হেৰাই যাব ধৰা ঢেকীৰ ব্যৱহাৰ কৰি ঢেকীশালতে এইদৰে কঁকাল ভাঙিলে এইসকল গৃহিণীসকলেও ৷