ৰংঘৰৰ বাকৰিত অনুষ্টুপীয়াকৈ পহিলা বহাগ উদযাপন

শিৱসাগৰৰ ঐতিহাসিক ৰংঘৰ বাকৰিত প্ৰথম বহাগৰ দিনা সদৌ টাই আহোম ছাত্ৰ সন্থাৰ উদ্যোগত উদযাপন কৰা হৈছে মুকলি বিহু ৷ অৱশ্যে বিগত বছৰৰ দৰে এইবাৰো ক’ৰণা অতিমাৰীৰ প্ৰকোপ বৃদ্ধি আৰু চৰকাৰী নিৰ্দেশনাৰ বাবে অনুষ্টুপীয়াকৈ উদযাপন কৰা হৈছে বাপোতি সাহোন ৰঙালী বিহুটি । ইফালে বিগত বৰ্ষতেই ৰংঘৰৰ বাকৰিৰ মুকলি বিহু উদযাপনৰ গুৰি ধৰোতা আটাছুৰ প্ৰাক্তন সভাপতি তথা যুৱ নেতা অশ্বিনী চেতিয়া ক’ৰণা আক্ৰান্ত হৈ মৃত্যু হোৱাৰ বাবেও এইবেলি বিহু উদযাপনৰ উৎসাহ ক্ৰমাৎ কম হোৱা পৰিলক্ষিত হৈছে ৷