মোহনবাৰী বিমানবন্দৰত উপস্থিত বলীউডৰ তাৰকা বৰুণ ধৱন

ডিব্ৰুগড়ত উপস্থিত বলীউডৰ তাৰকা অভিনেতা বৰুণ ধৱন । ডিব্ৰুগড়ত "ভেৰিয়া" নামৰ এখন বলীউডৰ হিন্দী চিনেমাৰ অভিনয়ত ব্যস্ত বলীউডৰ তাৰকা গৰাকী । মঙলবাৰে ডিব্ৰুগড়ৰ মোহনবাৰী বিমানবন্দৰত চলে চিনেমাখনৰ চিত্ৰগ্ৰহণৰ কাম । বৰুণ ধৱনৰ সৈতে চিত্ৰগ্ৰহণত অংশগ্ৰহণ কৰিছে ৫০ তকৈ অধিক থলুৱা শিল্পী-অভিনেতাই । ডিব্ৰুগড়ৰ লগতে অৰুণাচলৰ টাৱাং, জিৰ’, ইটানগৰ আদি অঞ্চলত প্ৰায় তিনিমাহ ধৰি দৃশ্যগ্ৰহণ কৰা হৈছে চিনেমাখনৰ । উল্লেখ্য যে, সোমবাৰে নিশা অৰুণাচলত দৃশ্যগ্ৰহণ সামৰি পোনে পোনে তাৰকা গৰাকী উপস্থিত হয় ডিব্ৰুগড়ত । ডিব্ৰুগড়ৰ হোটেল টি কাউণ্ট্ৰীত নিশাটো কটাই মঙলবাৰে পুনৰ ব্যস্ত হৈ পৰে শ্বুটিঙত । বলীউডৰ ভেৰিয়া নামৰ Horror Comedy ছবিৰ দৃশ্যগ্ৰহণ কৰা হৈছে উত্তৰ পূৰ্বাঞ্চলত । ছবিখনৰ নায়কৰ চৰিত্ৰত অভিনয় কৰিছে বৰুণ ধৱনে ৷ বিপৰীতে নায়িকা হিচাপে আছে কৃতি সেনন ৷ ছবিখন পৰিচালনা কৰিছে অমৰ কৌশিকে আৰু প্ৰযোজনা দিনেশ ভিজান্তৰ ৷