উপ-নিৰ্বাচনত ভাল ফল দেখুৱাব কংগ্ৰেছে : জাকিৰ হুছেইন শিকদাৰ

উপ-নিৰ্বাচনৰ বাবে সম্পূৰ্ণৰূপে সাজু কংগ্ৰেছ । এই মন্তব্য প্ৰদেশ কংগ্ৰেছৰ কাৰ্যকৰী সভাপতি জাকিৰ হুছেইন শিকদাৰৰ । মঙলবাৰে সংবাদ মাধ্যমৰ আগত উপ-নিৰ্বাচন সন্দৰ্ভত প্ৰতিক্ৰিয়া প্ৰকাশ কৰি বিধায়ক জাকিৰ হুছেইন শিকদাৰে কয়, উপ-নিৰ্বাচনত ভাল ফল দেখুৱাব কংগ্ৰেছে । বিজেপিৰ ডাৱল ইঞ্জিনৰ বিৰুদ্ধে উপ-নিৰ্বাচনত যুঁজিবলৈ কংগ্ৰেছ সাজু ৷ উপ-নিৰ্বাচনৰ বাবে মৰিয়নীৰ পৰা ১০ গৰাকীয়ে, থাওৰাৰ পৰা ৫ গৰাকীয়ে, গোসাঁইগাঁৱৰ পৰা ৪ গৰাকীয়ে, তামুলপুৰৰ পৰা ৪ গৰাকীয়ে আৰু ভৱানীপুৰৰ পৰা ১১ গৰাকীয়ে প্ৰাৰ্থীত্ব বিচাৰি আবেদন কৰিছে বুলি জানিবলৈ দিয়ে জাকিৰ হুছেইন শিকদাৰে ।