কমলপুৰ সমষ্টিত টিকট লাভ কৰিলে দিগন্ত কলিতাই

শুকুৰবাৰে প্ৰকাশ কৰা হ'ল বিজেপিৰ প্ৰাৰ্থিত্বৰ তালিকা ৷ 2021 ৰ বিধানসভা নিৰ্বাচনৰ বাবে কমলপুৰ সমষ্টিত মিত্ৰজোঁটৰ প্ৰাৰ্থী হিচাপে টিকট লাভ কৰিলে দিগন্ত কলিতাই ৷ টিকট লাভ কৰিয়েই ভগৱানৰ আশীষ লয় দিগন্ত কলিতাই ৷ আশীষ লোৱাৰ পিচতে সমৰ্থকসকলে বাইক ৰেলীৰে আদৰি নিয়ে দিগন্ত কলিতাক ৷ ইপিনে,দলীয় টিকট পোৱাৰ বাবে মুখ্যমন্ত্ৰী সৰ্বানন্দ সোণোৱাল, মন্ত্ৰী হিমন্ত বিশ্ব শৰ্মা, সাংসদ দিলীপ শইকীয়াকে আদি কৰি কমলপুৰবাসীক ধন্যবাদ জ্ঞাপন কৰে দিগন্ত কলিতাই ৷ আনহাতে অনাগত দিনত সকলোকে লগত লৈ আগবাঢ়ি যাব বুলি মত প্ৰকাশ কৰে কমলপুৰ সমষ্টিৰ মিত্ৰজোঁটৰ প্ৰাৰ্থী দিগন্ত কলিতাই ৷