এনএইচপিচিৰ সামগ্ৰী কঢ়িওৱা বাহন জব্দ অসম জাতীয়তাবাদী যুৱ ছাত্ৰ পৰিষদৰ

ৰাইজৰ চকুত ধূলি মাৰি এনএইচপিচিৰ নদী বান্ধৰ বাবে সামগ্ৰী কঢ়িয়াই আছে চৰকাৰে ৷ বিগত সময়ছোৱাতো ইয়াক কেন্দ্ৰ কৰি সাব্যস্ত কৰা হৈছিল প্ৰতিবাদ ৷ দেওবাৰেও নিশা এনেদৰে সামগ্ৰী এনএইচপিচিলৈ টাৰ্বাইনৰ লগতে অন্যান্য সামগ্ৰী কঢ়িওৱা একাংশ বাহন জব্দ কৰে অসম জাতীয়তাবাদী যুৱ ছাত্ৰ পৰিষদৰ নগাঁও শাখাৰ এটা দলে ৷ দলটোৱে বাহনসমূহ উৰিয়াগাঁও বাইপাছৰ সমীপৰ ঘাইপথতে আৱদ্ধ কৰি সাব্যস্ত কৰে উত্তাল প্ৰতিবাদ ৷ নগাঁঁৱৰ এনএইচপিচি গুদামৰ পৰা এই সামগ্ৰীসমূহ আনি অৰুণাচল অভিমুখে কঢ়িয়াই নিয়া হৈছিল ৷