"ৰূপহ কোঁৱৰৰ চুমাৰ পৰশতে
লাজুকী কুঁৱৰী মৰহি যায়"
ভেলেণ্টাইন সপ্তাহৰ সপ্তম দিন ১৩ ফেব্ৰুৱাৰীত কিছ ডে পালন কৰা হয় । কিছ ডে’ত আপুনি আপোনাৰ সম্পৰ্কক অধিক গভীৰতা প্ৰদান কৰিব পাৰে । ইয়াত আপুনি প্ৰতিশ্ৰুতি আৰু অন্তৰংগতাক চুমা খোৱাৰ সুযোগ পায় । আচলতে মৰমৰ যোগাযোগৰ সমান্তৰালকৈ আপোনাৰ প্ৰেমৰ সংগী আৰু আপোনাৰ সংগীৰ মাজৰ বন্ধন আৰু অধিক দৃঢ় হৈ পৰে । কিছ ডে’ক ভেলেণ্টাইন উইকৰ আটাইতকৈ ৰোমান্টিক দিন বুলি গণ্য কৰা হয় ৷ এই দিনটোক বিশেষ কৰি তুলিবলৈ প্ৰেমিক যুগলে ইজনে আনজনক চুম্বন কৰি নিজৰ প্ৰেম প্ৰকাশ কৰে ৷ এই দিনটোত চুম্বন কৰিলে প্ৰেম গভীৰ হয় বুলিও কোৱা হয় ৷ এই দিনটোত সংগীয়ে ইজনে সিজনক চুম্বন কৰি প্ৰেম প্ৰকাশ কৰে ৷ চুম্বন কৰিলে প্ৰেম বৃদ্ধি হোৱাই নহয় ইজনে আনজনৰ প্ৰতি সন্মানো বৃদ্ধি পায় ৷ সেয়ে ৰূপকোঁৱৰ জ্যোতিপ্ৰসাদ আগৰৱালাৰ গীততো কোৱা হৈছে যে-
বিশ্বাস কৰা হয় যে চুমাই যিকোনো দম্পত্তি, প্ৰেমিক যুগলৰ মাজত প্ৰেম আৰু অধিক গভীৰ কৰি তোলে ৷ প্ৰেমৰ আদান-প্ৰদানত চুমাই এক বিশেষ ভূমিকা পালন কৰে ৷ কিন্তু বহুলোকে হয়তো এই বিষয়ে জ্ঞাত নহয় যে চুম্বন কৰাৰ বহু স্বাস্থ্য উপকাৰিতাও আছে ৷ হয় আপুনি ঠিকেই পঢ়িছে তেন্তে পলম নকৰি আজিয়েই জানি লওক চুমাৰ উপকাৰিতাসমূহ-
ৰোগ প্ৰতিৰোধ ক্ষমতা উন্নত কৰে
আপুনি জানেনে যে চুমা আমাৰ স্বাস্থ্যৰ পক্ষে কিমান উপকাৰী ? চুমাত মাত্ৰ ১০ ছেকেণ্ডতে ৮ কোটি ভাল বেক্টেৰিয়া স্থানান্তৰিত হয় ৷ এই বেক্টেৰিয়াবোৰ শৰীৰৰ বাবে অতি উপকাৰী, যাৰ ফলত ৰোগ প্ৰতিৰোধ ক্ষমতা ভাল হোৱাই নহয়, শৰীৰকো বহু ধৰণৰ ৰোগৰ বিৰুদ্ধে যুঁজিবলৈ শক্তি প্ৰদান কৰে ৷ চুম্বন কৰাৰ সময়ত শৰীৰত এড্ৰিনেলিন নামৰ হৰম’ন এটা উৎপন্ন হয়, যিটো হৃদযন্ত্ৰৰ বাবে অতি উপকাৰী ৷ ই হৃদযন্ত্ৰক তেজ পাম্প কৰাত সহায় কৰে যাতে সমগ্ৰ শৰীৰত ভালদৰে তেজ চলাচল কৰিব পাৰে ৷ ইয়াৰ ফলত ৰক্তচাপ হ্ৰাস পায় আৰু শৰীৰত সঠিক ৰক্ত সঞ্চালন বজাই ৰাখে ৷
বেক্টেৰিয়া নিৰ্মূল কৰে
ইয়াৰ উপৰিও চুম্বন কৰাৰ সময়ত মুখত উৎপন্ন হোৱা লেলাউটি দাঁতৰ পৰা দাগ আঁতৰাই বেক্টেৰিয়া দূৰ কৰে ৷ এক মিনিট চুম্বন কৰিলে দুইৰ পৰা তিনি কেলৰি হ্ৰাস হয় ৷ ই কেৱল কেলৰি হ্ৰাস কৰাই নহয় শৰীৰৰ বিপাকীয় হাৰো বৃদ্ধি কৰে ৷
মেজাজ উন্নত কৰা
বিশ্বাস কৰা হয় যে, চুম্বন কৰিলে হৃদয় আৰু মন দুয়োটাই সুখী হয় ৷ এটা চুমাই কেৱল আপুনি কেৱল ডেকা হৈ থকাই নহয় প্ৰেমিক যুগলৰ মাজৰ দূৰত্বও আঁতৰাই পেলায়৷ চুমা খালে মানসিক চাপ আৰু উদ্বেগো কম হয়৷ ইয়াৰ উপৰিও চুমাই এজন ব্যক্তিৰ মেজাজ উন্নত কৰিব পাৰে ৷ সেইবাবেই ভেলেণ্টাইন উইকত কিছ ডে’ অতি গুৰুত্বপূৰ্ণ ৷ কোৱা হয় যে, নিয়মিতভাৱে ইজনে আনজনক চুমা খোৱাসকলে দীৰ্ঘদিন ধৰি শাৰীৰিকভাৱে সুস্থ হৈ থাকে ৷
যিকোনো বিষৰ পৰা সকাহ দিয়ক
চুমা খালে শৰীৰত দ্ৰুতগতিৰে এণ্ড’ৰ্ফিন উৎপাদন আৰম্ভ হয় । যিয়ে প্ৰাকৃতিক বিষনাশক হিচাপে কাম কৰে । এই হৰম’নবোৰে শৰীৰত সুখ আৰু শিথিলতাৰ অনুভূতি সৃষ্টি কৰে । ইয়াৰ দ্বাৰা যিকোনো শাৰীৰিক বিষৰ পৰা সকাহ পোৱা যায় ।
মুখখন উজ্বলি উঠে
আমি যেতিয়া আমাৰ সংগীক চুমা খাওঁ তেতিয়া মুখৰ পেশীবোৰ সক্ৰিয় হৈ পৰে । যাৰ বাবে ৰক্ত সঞ্চালন বৃদ্ধি পায় । ই মুখলৈ প্ৰাকৃতিক গ্লো আনিবলৈ কাম কৰে । কাৰোবাক চুমা খালে বলিৰেখাও কমি যায় ।
উৎস:-https://scholarcommons.scu.edu/cgi/viewcontent.cgi?article=1008&context=comm
(সতৰ্কীকৰণ: এই প্ৰতিবেদনত আপোনাক দিয়া সকলো স্বাস্থ্য তথা জীৱনশৈলী সম্পৰ্কীয় যিকোনো তথ্য আৰু পৰামৰ্শ কেৱল আপোনাৰ সাধাৰণ তথ্যৰ বাবেহে আগবঢ়োৱা হৈছে । আমি এই তথ্য বৈজ্ঞানিক গৱেষণা, অধ্যয়ন, চিকিৎসা আৰু স্বাস্থ্য পেছাদাৰী পৰামৰ্শৰ ভিত্তিত প্ৰদান কৰিছো । আপুনি এই উপায় বা পদ্ধতি অনুসৰণ কৰাৰ আগতে এই বিষয়ে বিতংভাৱে জনাটো উচিত তথা আপোনাৰ ব্যক্তিগত চিকিৎসকৰ পৰামৰ্শ গ্ৰহণ কৰাটো উচিত ।)
লগতে পঢ়ক
