হোজাই আৰক্ষীৰ জালত 6 জুৱাৰী

নগাঁও জিলাৰ হোজাই আৰক্ষীয়ে দেওবাৰে নিশা কপাহবাৰীত অভিযান চলাই ছয়জনকৈ জুৱাৰীক আটক কৰিবলৈ সক্ষম হয় । আটাকাধীন জুৱাৰীকেইটা ক্ৰমে নেৱাজ আহমেদ (২৫), চেলিম উদ্দিন(৩৯), নজমুল ইছলাম(৩২), আশিক উদ্দিন(৩০), নজমুল হোছেইন (২৪) আৰু সিন্দু দাস (৪১) বুলি জানিবলৈ দিয়ে হোজাই আৰক্ষীয়ে ৷ আৰক্ষীয়ে জুৱাৰীকেইটা আটক কৰাৰ লগতে জুৱা খেলৰ বাবে ব্যৱহাৰ হোৱা সামগ্ৰীসহ প্ৰায় ৩,১০০ টকা নগদ ধন উদ্ধাৰ কৰে । হোজাই আৰক্ষীয়ে অধিক তথ্যৰ বাবে জুৱাৰীকেইটাৰ জেৰা অব্যাহত ৰাখিছে । আনহাতে গুৱাহাটী মহানগৰীৰ ফাঁচী বজাৰৰ লগতে কেইবাটাও স্থানত সোমবাৰে নিশা ক্ৰাইম বাঞ্চে অভিযান চলাই তিনিটাকৈ হাই প্ৰফাইল ক্ৰিকেট জুৱাৰীক আটক কৰে ৷ আটকাধীন জুৱাৰীকেইটা ক্ৰমে দিপেশ বাজৰীয়া, ৰৌণক বাজৰীয়া, ৰাজেশ জৈন বুলি জানিব পৰা হৈছে । মহানগৰীৰ বিভিন্ন স্থানত IPL মেচৰ বুকিং কৰি আছিল দলটোৱে । তিনিওজনে সমগ্ৰ ৰাজ্যতে আইপিএল জুৱাৰ নেক্সাচ চলাই আহিছিল । মহানগৰ আৰক্ষীৰ অতিৰিক্ত উপ আয়ুক্ত নোমল মাহাতোৰ নেতৃত্বত চলিছিল এই অভিযান ৷