কেটৰিণাক এৰি থৈ গ’ল বিকীয়ে !

বিগত বৰ্ষৰ ডিচেম্বৰত বিয়া পাতি জানুৱাৰীত কেটৰিণাক অকলশৰীয়া কৰিলে বিকীয়ে ৷ নৱবৰ্ষ একেলগে উদযাপন কৰি বিকী উৰা মাৰিছে শ্বুটিঙলৈ ৷ শনিবাৰে VicKat ক দেখা পোৱা গ’ল মুম্বাই বিমানবন্দৰত ৷ বিয়াৰ পিছত প্ৰথমবাৰৰ বাবে আঁতৰি থাকিব দুয়ো ৷ হিয়াই নামানিলেও কামৰ তাড়নাত মানিবলৈ বাধ্য আঁতৰি থকাৰ কথা ৷ কেটৰিণাই বিকীক আলিংগন কৰি থকা ভিডিঅ’টো Paparazzi য়ে সামাজিক মাধ্যমত এৰি দিয়াৰ পিছত এতিয়া সকলোৱে সান্তনা দিছে কেটৰিণাক ৷ কমলাৰঙৰ নাইটচ্যুট পিন্ধি বিকীক থ’বলৈ গৈছিল কেটৰিণা ৷ বিকীয়ে ডেনিম জিন্ছৰ লগত এটা মটিয়া ৰঙৰ চুৱেট চাৰ্ট পিন্ধি ফটোৰ বাবে প’জ দিয়ে ৷ গাড়ীৰ পৰা নমাৰ আগত কেটৰিণাই বিকীক সাৱটি মৰম যাচে ৷ বিয়াৰ পিছত দুয়োৱে ন-গৃহত প্ৰৱেশ কৰে ৷ আকৌ ব্যস্ত হৈ পৰিছে নিজৰ নিজৰ কামত VicKat ৷ বিকীয়ে মেঘনা গুলজাৰৰ চেম বাহাদুৰৰ বাবে ইতিমধ্যেই প্ৰস্তুতি আৰম্ভ কৰিছে ৷ বিজয় সেতুপতিৰ দ্বাৰা পৰিচালিত ছবি মেৰী খৃষ্টমাছৰ বাবে কেটৰিণাও দৃশ্যগ্ৰহণৰ ছেটলৈ উভতিছে ৷ ইয়াৰ উপৰিও অভিনেত্ৰীগৰাকীৰ হাতত আৰু দুখন চলচ্চিত্ৰ আছে - চলমান খানৰ টাইগাৰ 3 আৰু ফাৰহান আখটাৰৰ জী লে জাৰা য’ত প্ৰিয়ংকা চোপ্ৰা আৰু আলিয়া ভাটেও অভিনয় কৰিছে ৷