"মোৰ ল'ৰাটোক আৰক্ষীয়ে মাৰিলে"-ধৰ্ষণকাৰী বিকি আলীৰ মাতৃৰ অভিযোগ

"মোৰ বাবা গ'ল যি গ'লেই আৰু দেখাই নাপালো" দলবদ্ধ ধৰ্ষণ কাণ্ডৰ মূল অভিযুক্ত বিকি আলীৰ মাতৃৰ হিয়াভঙা কান্দোন । আৰক্ষীৰ গুলীত নিহত গাড়ীগাঁও দলবদ্ধ ধৰ্ষণ কাণ্ডৰ মূল অভিযুক্ত বিকি আলীয়ে আৰক্ষীৰ সন্মূখত আত্মসমৰ্পণ কৰিছিল বুলি বিকি আলীৰ মাতৃয়ে বুধবাৰে সংবাদ মাধ্যমৰ আগত সদৰি কৰে (Rapist Biki Ali mother alleges) । বিকি আলীৰ মাতৃয়ে কান্দি কান্দি কয় - মোৰ ল'ৰাটোক আৰক্ষীয়ে মাৰিলে । সি আৰক্ষীৰ ওচৰত আত্মসমৰ্পণ কৰিছিল । আমি পৰিয়ালৰ মানুহে তাক আৰক্ষীৰ হাতত তুলি দিছিলোঁ । তাৰ পিছত কিন্তু ল'ৰাটোক আমাক এবাৰো চাব নিদিলে আৰক্ষীয়ে । তেওঁ পুনৰ কান্দি কান্দি কয়- কালি সি মোক বেলেগৰ মবাইলৰ পৰা ফোন কৰিছিল । সি হাজোৰ সমীপৰ দামপুৰ পাহাৰত লুকাই থকা বুলি জনাইছিল । সি আৰক্ষীৰ ওচৰত আত্মসমৰ্পণ কৰিব বুলি জনাইছিল । আমি তাক তাৰ পৰা লৈ আহি জালুকবাৰী থানাৰ অ’চি ক ফোন কৰি খবৰ দিছিলোঁ । আৰক্ষীক তাক গতাই দিয়াৰ পিছত আমাক আৰু লগ কৰিব নিদিলে । আজি পুৱা ৬ বজাতে পানবজাৰ থানা আৰু আদালতৰ ওচৰত গৈ ৰৈ আছিলো । তাক দেখা নাপায় পুনৰ ঘৰত আহি মোৰ লৰাটোক আৰক্ষীয়ে গুলী কৰাৰ খবৰ পাও ।