Missing case in Moran: কাম কৰিবলৈ ওলাই গৈ সন্ধানহীন মৰাণৰ বিবাহিত যুৱক

মৰাণ, ২৩ ছেপ্টেম্বৰ:ডিব্ৰুগড় জিলাৰ মৰাণত যোৱা দুদিন ধৰি সন্ধানহীন হৈ আছে এজন বিবাহিত যুৱক।জিলাখনৰ মৰাণৰ খেলমাটি গাঁৱৰ চুকৰু কলিতা নামৰ যুৱকজন যোৱা ২১ ছেপ্টেম্বৰত মৰাণৰ কককোলা গগৈ এজেঞ্চিত কাম কৰিবলৈ যোৱাৰে পৰা সন্ধানহীন হৈ আছে । ইপিনে, এই এজেঞ্চিটোৰ কৰ্তৃপক্ষই উল্লেখ কৰা অনুসৰি সিদিনা সন্ধিয়া ৬ বজাত কামৰ পৰা ছুটি কৰি যুৱকজন ঘৰলৈ গৈছে ।

এই এজেঞ্চিটোৰ কৰ্তৃপক্ষই এনেদৰে পৰিয়ালক অৱগত কৰিছে যদিও যুৱকজনৰ আজিও কোনো সন্ধান নাই । চিনাকি আৰু আত্মীয় লোকৰ সৈতেও যোগাযোগ কৰিছে পৰিয়ালৰ লোকে । উপায়ন্তৰ হৈ যুৱকজনৰ ৮ মহীয়া অন্তঃসত্ত্বা পত্নীয়ে সন্ধান বিচাৰি মৰাণ আৰক্ষী থানাত এজাহাৰ দাখিল কৰিছে । কোনো লোকে যুৱকজনৰ সন্ধান পালে 6901706340 আৰু 7635834457 নম্বৰত যোগাযোগ কৰিবলৈ পৰিয়ালৰ লোকে অনুৰোধ জনাইছে ।

লগতে পঢ়ক:Rape in Bilasipara: নাবালিকা নিৰ্যাতনকাৰীক সশ্ৰম কাৰাদণ্ডৰে দণ্ডিত অতিৰিক্ত জিলা আৰু সত্ৰ ন্যায়াধীশ আদালতৰ