Youth Hit by train: জোনাইত ইন্টাৰচিটি এক্সপ্ৰেছৰ খুন্দাত নিহত যুৱক

জোনাই, 14 ছেপ্টেম্বৰ: ধেমাজি জিলাৰ জোনাই মহকুমাৰ অন্তৰ্গত নাহৰজুনত পুৱা সংঘটিত হৈছে এক অঘটন । ৰে’লে মহতিয়াই নিলে এজন যুৱকক ৷  জানিব পৰা মতে কামাখ্যাৰ পৰা মূৰ্কংচেলেক অভিমুখী ইন্টাৰচিটি এক্সপ্ৰেছে মহতিয়াই নিয়াৰ ফলত নিহত হৈছে যুৱকজন ৷ মৃত যুৱকজন নাহৰজুন গাঁৱৰ যোগা দলেৰ পুত্র কাশীনাথ দলে বুলি জানিব পৰা গৈছে । মৃত কাশীনাথৰ বয়স 36 হ’ব বুলি জানিবলৈ দিছে স্থানীয় ৰাইজে ৷ 

ইয়াৰ পিচতে অঞ্চলটোত এক চাঞ্চল্যৰ সৃষ্টি হয় । ইতিমধ্যে ঘটনাস্থলিত মূৰ্কংচেলেক ৰে’লৱে আৰক্ষী উপস্থিত হৈ মৃতদেহ উদ্ধাৰ কৰে ৷ 

স্থানীয় লোকৰ ভাষ্য অনুসৰি, যুৱকজন বহি আছিল ৷ কিন্তু কেনেকৈ ৰে’লে মহতিয়াই লৈ গ’ল সেয়া ৰহস্যৰ আৱৰ্তত ৷ আনহাতে যুৱকজন মানসিক ৰোগত ভোগী আছিল বুলিও স্থানীয় লোকে জানিবলৈ দিছে ৷

লগতে পঢ়ক: GP singh visits Dhemaji: আমি কেন্দ্ৰক অসমৰ পৰা AFSPA প্ৰত্যাহাৰৰ অনুৰোধ জনাইছো- জি পি সিং